بنت عطيو تحب
شكرية بت زاير عطيو چانت تحب ماهود وتموت عليه وهو حارب الدنيا كلها على مود ياخذها وصارت مريته وفرحتهم شكبرها من التمو ابيت واحد .
بس فرحت ام ماهود بوليدها چانت اكبر من فرحتهم وعاشت وي شكرية وماهود
على تاكلة الله واعتبرت شكريه بنيتها ودوم تعلمهاوتنصحها شلون تداري
رجلها وهم شكرية ماقصرت وي عمتها بس ماهود گام كل ليلة يسير على ربعه ويعوفها لوحدها
هي بقت ساكته ماتحط بخاطره ولاتحجي لحد مايوم طگت روحها وگلتله وديني لهلي بعد ماابقى وياك هو اجته صدمة
شنهي الصاير لاهي مثل شاكيه گبلها وهي ماعرفت شلون تسولف وتگله بيتك اولى بيك
وموش كل ليلة التسيوره والطلعة ،هو كلش انقهر وماعرف شيسوي بس
عافها وراح لامه وسولفلها وهو كل فكره صدك بعد شكرية ماتريده امه
سوتله چاي وطيبت خاطره وگعدت تسولفله گلتله
يمه المره تگول شغلات ماتقصدهن من تگلك مااحبك ومااريدك ووديني
لهلي معناهه شي چبير مضيگ خلگها ومزعلها منك بس ماعرفت شلون تسولفلك
انت شوف بشني مقصر يابعد بيتي تره المره مثل قالب الثلج بكلمة طيبة من زوجها وحبيبها تذوب
وينشال كل الزعل واهم شي ماتهمل بيتك انت تعرف شلون هي
عاركت على مودك وخلي مشاكلكم بيناتكم مو تروح انت مدنف وهي محترك گلبها وتكبر
الزعلة بينكم ارجع لغريفتك يابعد امك وصالح مريتك واهتم بيها جماعتك موش يوميه ولا السهر يعمر بيتك
هي هم تريدك يمها وتهتم بيها .
طريفتنه مو كل كلمة تنگال من النسوان تكون ذات قصد المراة كائن انفعالي وتحتاج من يحتويها
ويطول خلك وياهه والله يعمر بيوتكم ومايجيب زعل بين كل عوائلنا اهلنا وناسنة الطيبين .
للمزيد من القصص تابعنا على الفيسبوك
