ديايات الحجية
اكو عجوز عدها دجاجات وتعزهن كلش فد يوم من الآيام غطهن الواوي واخذ الچبيرة ركضت العجوز وره الواوي وتصيح هدها ولك هدها ماكو فايده بعد اخذها وآيست العجيز من الدجاجة گالتله روح هاي بثواب آمي
اتگول أجيت اتغده وشوفلك الواوي اخذ دجاجه ثانيه وركضت وراه ولك عوفها ولك مالحگت بيه منعول الوالدين اتگول ريجي صار حنظل وعفت غداي .
اتگول وانا اصلي وغطني واخذله دجاجه ثالثه
وبعد ما خلصت صلاتي كعدت اتاسف على دجاجاتي اتگول واشوفه من بعيد ابحلگه الدجاجه وحطها بالگاع اتكول وانا ركضت عليه وهو شرد اجيت للمكان وألگاها مو دجاجه لگيتها ليفه وتراوتلي من بعيد على شكل دجاجه
ورديت لبيتي مدري ابچي مدري اضحك وما اشوفلك الا ابو الويو طالع من بيتي وبحلگه دجاجه رابعة وخلاني انوب الطم وگضه دجاجاتي گضيان ولعب عليه لعب الطنطل واربع ادجيجات راحن من العجوز
سالفتنه : هسه الواويه العدنه اتعودو علينه كل شويه وغطنه واحد منهم وماشفنه منهم بس ليفة الواوي ،،، الله لايوفقكم .
مدونة قصص عراقية واقعية