دخل على مرته گالها الوالدة توفت اليوم
حضري نفسج حتى نروح لبغداد بعد شوي
باوعتله بعين وحده وگالت : نروح لبغداد هسه لیش ؟؟ انا ما اكدر اروح للفاتحة گدام الناس وانا شكلي يخرع ! انت تريد خواتك وبنات عمك والجيران يشوفوني وانا بهذا الشكل ؟؟؟.
انا لازم اسوي شعري واضافيري وماعندي دشداشة سودة جديدة حتى البسها . اتصلت بالكوافيرة وحجزت موعد وهو يباوعلها وما مصدگ وشابع قهر .
نزلت و رجعت للبيت بعد ثلاث ساعات صابغة شعرها اصفر ومسوية حواجبها تاتو واضافیرها مرتبتهن ليكول رايحة لعرس .
وهي تحضر الچنطة تگلة انا نسيت أكلك البقية بـ حياتك . الله يجعلها اخر الاحزان عليك حبيبي ، واكيد أمك هسه بأحسن مكان والله اختارلها الجنه .
باوعلها باستغراب وگال: أمي شنو بنت المشعول ؟ بعيد الشر عليها أمي مابيها شي . أمج هي اللي ماتت.
هي سمعت الخبر وگامت تلطم وتشد بشعرها وخربت المكياج وذبت التراب على راسها ولعبت جولة !!!
وبقت تصرخ وتگول انا آرید هسه تأجر چارچر ونروح لبغداد بسرعة
باوعلها وهو دمه فاير وگاللها یابغداد یاصخام الي صخم ابوچ !! یاتکسی یاهسه ؟
ماراح انروح لبغداد قبل ما اسوي شعري
ولبس لبس معدل وأضبط نفسي لیش هى أمج احسن من أمي .
مدونة قصص عراقية واقعية.